Tir yn Hen Ysgol y Bont
Datblygiad o 52 o gartrefi newydd, effeithlon o ran ynni, fforddiadwy. Fe’u hadeiladwyd gan Williams Homes ar ran ClwydAlyn ac mewn partneriaeth â Chyngor Sir Ynys Môn a Llywodraeth Cymru; gydag arian yn rhannol trwy’r Rhaglen Tai Arloesol.
Mae’r gymysgedd o gartrefi yn cynnwys cartrefi un, dwy, tair a phedair ystafell wely, gan amrywio o fyngalos, fflatiau a thai pâr. Gelwir y cynllun hwn yn: Maes yr Ysgol a Stryd y Bont. Adeiladir ein holl gartrefi fel cartrefi am oes ac maent wedi eu dylunio i fod yn hawdd eu haddasu yn ôl anghenion y preswylwyr wrth iddynt newid, gan eu helpu i fyw’n annibynnol yn hwy.
Mae’r cartrefi newydd yn bodloni ac yn mynd tu hwnt i’r safonau rheoleiddiol presennol: Safon Ansawdd Tai Cymru Llywodraeth Cymru, Gofynion Ansawdd Datblygu Llywodraeth Cymru a safonau Tai a Lleoedd Hardd Llywodraeth Cymru.
Nod ClwydAlyn yw taclo tlodi tanwydd a helpu i leihau’r effaith y gall cartrefi llai effeithlon o ran ynni ei gael ar iechyd a lles pobl. Wedi eu hadeiladu gan ddefnyddio technolegau mwy gwyrdd a dyluniadau blaengar, mae’r cartrefi newydd yma’n effeithlon iawn o ran ynni ac yn manteisio ar:
• Pympiau gwres ffynhonnell aer
• Paneli trydan solar
• Batris storio trydan solar
• Cartrefi wedi eu gosod i wneud y mwyaf o’r haul a golau naturiol
• Cyfleusterau gwefru ceir trydan
• ‘Dulliau Adeiladu Modern’, gan ddefnyddio cymaint o ddeunyddiau naturiol a chynaliadwy ag sy’n bosibl
• Canfod deunyddiau gan weithgynhyrchwyr a chyflenwyr lleol, gan gadw’r ôl troed carbon yn isel.
Gall y cartrefi yma wneud gwahaniaeth mawr. Byddant yn helpu preswylwyr i gefnogi’r amgylchedd; arbed ynni gwerthfawr ac fe allant arbed arian yn y pen draw hefyd.
Mae 52 o gartrefi ar y safle
- 8 x Fflat 1 Ystafell Wely
- 2 x Byngalo 1 Ystafell Wely
- 28 x Tŷ Pâr 2 Ystafell Wely
- 12 x Tŷ Pâr 3 Ystafell Wely
- 2 x Tŷ Pâr 4 Ystafell Wely
Tir yn Hen Ysgol y Bont
Y newyddion diweddaraf a datblygiadau ar gyfer Hen Ysgol y Bont:
Am gael byw yma?
