Cyfarfod y tîm

Mae Michael yn arweinydd caffael sydd â dros 20 mlynedd o brofiad yn y sectorau cyhoeddus a phreifat. Mae gan Michael brofiad eang ym maes Tai, y GIG, addysg, ymgynghori a’r diwydiant niwclear.

Llwyddiannau trawiadol Michael yw sefydlu swyddogaethau caffael strategol yn yr amgylchedd Tai tir glas, i gyflawni arbediadau arian parod ar Werth Cymdeithasol. Mae gan Michael ddwy radd ac mae’n weithiwr proffesiynol siartredig, wedi gweithio nifer o weithiau gyda’r Sefydliad Siartredig Caffael a Chyflenwi.

Mae Brian wedi bod â diddordeb mewn Tai Cymdeithasol ers blynyddoedd: roedd ei rieni’n byw mewn tŷ cyngor am nifer o flynyddoedd dedwydd. Dychwelodd i Dai Cymdeithasol dros 25 mlynedd yn ôl pan ddaeth yn denant i ClwydAlyn.

Cafodd Brian yrfa amrywiol, o’r diwydiant olew, y fasnach drwyddedig, gwasanaethau ariannol a TG, gan gael cyfnod yn y nawdegau cynnar fel gwirfoddolwr i’r Ganolfan Cyngor ar Bopeth. Dysgodd Brian lawer o sgiliau yn ystod ei daith, gan gynnwys y gallu i wrando a siarad â phobl. Brian yw Is-gadeirydd y Pwyllgor Preswylwyr ac mae hefyd yn eistedd ar y Pwyllgor Eiddo.

Bu Eileen yn gweithio yn y Banc am 25 mlynedd. Mae wedi gwasanaethu ar Bwyllgor Gweithredol Cenedlaethol Undeb Staff y Banc ac fel Cynghorydd Tref ym Mhenmaenmawr.

Ymunodd Sandy â Bwrdd ClwydAlyn yng Ngorffennaf 2016 hi yw’r cyn Aelod Cynulliad dros Delyn, a ildiodd y sedd ar ôl 13 mlynedd yn y Senedd.  Yn ystod ei chyfnod yn y Cynulliad Cenedlaethol, bu Sandy yn craffu ar Ddeddfwriaeth Tai Llywodraeth Cymru fel Cadeirydd y Pwyllgor Cymunedau a Diwylliant. Roedd hi hefyd yn un o Aelodau Cyntaf a Chadeirydd y Grŵp Trawsbleidiol ar Dai.  Cyn hynny, roedd Sandy hefyd yn Gomisiynydd y Cynulliad gyda phortffolio corfforaethol eang yn amrywio o ddiogelwch i gyfartaledd.

Bu’n gweithio hefyd fel gohebydd am flynyddoedd yn ogystal ag ym myd addysg a’r sector gwirfoddol. Bu’n Gynghorydd yn Wrecsam am dros 15 mlynedd, gan gadeirio’r Pwyllgor Gwasanaethau Cymdeithasol, fel Aelod Gweithredol o’r Bwrdd ac roedd yn Faer yn 2001/02.  Bu Sandy hefyd yn un a benodwyd gan y Swyddfa Gartref ar Fwrdd Prawf Gogledd Cymru ac mae’n Gymrawd Er Anrhydedd o Brifysgol Glyndŵr Wrecsam.

Ymunodd Hayley â Bwrdd ClwydAlyn ym mis Gorffennaf 2021.

Mae Hayley yn Rheolwr Gyfarwyddwr ar Starts with you, Menter Gymdeithasol sy’n is-gwmni i Gymdeithas Dai. Mae’n angerddol am wneud busnes yn gyfrifol a galluogi pobl a mannau i wneud newidiadau positif.

Mae ganddi bron i 30 mlynedd o brofiad yn y sector Tai a Mentrau Cymdeithasol, gan weithio o fod yn Swyddog Datblygu i Gyfarwyddwr Adfywio ym maes tai, gan redeg ei ymgynghoriaeth adfywio ei hun fel Rheolwr Gyfarwyddwr Starts with you.

Mae Hayley hefyd yn aelod o Banel Cynghori Mentrau Cymdeithasol Maer Manceinion Fwyaf ac yn Ymddiriedolwr o Sefydliad Cymunedau newydd Siambr Fasnach Manceinion Fwyaf.